अमेरिकी मध्यावधि चुनावमा रिपब्लिकका गढ भत्काउने ध्याउन्नमा डेमोक्र्याट

वासिङ्टन । अमेरिकामा नोभेम्बरमा मध्यावधि निर्वाचन हुँदैछ । यसै क्रममा डेमोक्रेटिक पार्टीले परम्परागत रूपमा रिपब्लिकनको बलियो पकड रहेका राज्य र निर्वाचन क्षेत्रलाई आफ्नो निसानामा राख्न थालेको छ । अहिले डेमोक्रेटिक पार्टीको लक्ष्य संसदको तल्लो सदनमा बहुमत फर्काउनुमा मात्र छैन, कठिन मानिएको सिनेटको बहुमत पनि आफ्नो पक्षमा पार्नु छ ।

राष्ट्रपति डोनाल्ड ट्रम्पको दोस्रो कार्यकालको बिचमा हुन लागेको यो निर्वाचनलाई डेमोक्र्याटहरूले ट्रम्प प्रशासनप्रतिको जनमत परीक्षणका रूपमा पनि अघि बढाउँदै छन् । अर्कोतर्फ रिपब्लिकनहरू ट्रम्पको आधारभूत समर्थकलाई मतदानमा ल्याउने, डेमोक्र्याटलाई अत्यधिक वामपन्थी देखाउने र आर्थिक मुद्दामा आफ्नो पक्ष बलियो बनाउने रणनीतिमा छन् ।