बाढी प्रभावित क्षेत्रमा वैकल्पिक तरिकाले बिजुली लगिने, तीन बजेसम्म नुवाकोट जिल्लाभर पुर्‍याइने

काठमाडौं । नेपाल विद्युत् प्राधिकरणले भोटेकोशीको बाढीबाट प्रभावित क्षेत्रहरूमा वैकल्पिक तरिकाले बिजुली पुर्‍याउने तयारी गरेको छ । वैकल्पिक तरिका अपनाएर भएपनि बिजुली पुर्‍याउने काम धमाधम भइरहेको प्राधिकरणका सञ्चालक समिति सदस्य अंशुकिरण शाहीले जानकारी दिए ।

उनका अनुसार भोटेकोशी नदीमा आएको बाढीका कारण विद्युत् आपूर्ति अवरुद्ध भएका नुवाकोटका विभिन्न क्षेत्रमा नेपाल विद्युत् प्राधिकरणले वैकल्पिक प्रसारण व्यवस्थामार्फत विद्युत् सेवा पुनः सुचारु गरेको छ ।