फ्री भिसा, फ्री टिकेटको सुविधामा पुनर्विचार गर्दै सरकार

श्रम, रोजगार तथा सामाजिक सुरक्षामन्त्री रामजी यादवले फ्री भिसा, फ्री टिकेटको नीतिमा सरकारले पुनर्विचार गर्ने बताएका छन् । यो नीति कार्यान्वयनकाे सन्दर्भमा सबै म्यानपावर कम्पनी, व्यवसायीहरूसँग रिपोर्ट माग गरिने र आवश्यकताका आधारमा नीति परिवर्तन गरिने उनले बताएका हुन् ।

बुधबार प्रतिनिधिसभामा जारी विनियोजित बजेटमाथिको छलफलका क्रममा सांसदले सोधेको प्रश्नमा जवाफ दिँदै मन्त्री यादवले सो सम्बधमा कार्यदल गठन गरिएको र उक्त कार्यदलले सबै म्यानपावर व्यवसायीहरू रिपोर्ट माग गरेको बताए ।