पासवर्ड चोरी भए पनि जोगिन्छ अकाउन्ट ? के हो टू-फ्याक्टर अथेन्टिकेसन, कसरी गर्छ सुरक्षा ?

काठमाडौं । सामाजिक सञ्जाल प्रयोगकर्ताको संख्या बढेसँगै फेसबुक, इन्स्टाग्रामलगायतका अकाउन्ट अनधिकृत रूपमा नियन्त्रणमा लिने घटना पनि बढिरहेका छन् । बलियो पासवर्ड राख्दा पनि कहिलेकाहीँ अकाउन्ट जोखिममा पर्न सक्छ । यस्तो अवस्थामा प्रयोगकर्ताका लागि टू-फ्याक्टर अथेन्टिकेसन (2FA) अतिरिक्त सुरक्षा तहका रूपमा उपयोगी हुन्छ ।

सामान्यतया कुनै अकाउन्टमा लगइन गर्न पासवर्ड पर्याप्त हुन्छ । तर 2FA सक्रिय गरेपछि पासवर्डपछि अर्को चरणको प्रमाणीकरण पनि पूरा गर्नुपर्छ । अर्थात्, कसैले पासवर्ड थाहा पाएपनि दोस्रो सुरक्षा प्रक्रिया पार नगरेसम्म अकाउन्टमा प्रवेश गर्न सक्दैन ।