निर्मल निवास तीन घण्टा खुला रहने

पूर्व राजा ज्ञानेन्द्र शाहले आफ्नो ८०औँ जन्मोत्सवका अवसरमा असार २३ गते काठमाडौंस्थित निर्मल निवासमा शुभेच्छुकहरूसँग भेटघाट गर्ने भएका छन्।

पूर्वराजा शाहका संवाद सचिव फणिराज पाठकले जारी गरेको विज्ञप्तिअनुसार जन्मोत्सवको अवसरमा निर्मल निवासमा विशेष कार्यक्रम आयोजना गरिनेछ, जहाँ पूर्वराजाले उपस्थित शुभेच्छुकहरूबाट शुभकामना तथा अभिवादन ग्रहण गर्ने कार्यक्रम तय गरिएको छ।