चिकित्सा शिक्षा आयोगको बैठकमा कानुनले नचिनेको व्यक्तिको उपस्थिति भयो : बराल

काठमाडौँ । नेकपा एमालेका सांसद गुरु बरालले राष्ट्रिय चिकित्सा शिक्षा आयोगको बैठकमा कानुनले नचिनेको व्यक्तिको अवैध उपस्थिति भएको भन्दै सरकारको ध्यानाकर्षण गराएका छन्।

बुधबार बसेको प्रतिनिधि सभाको बैठकमा विशेष समय लिएर बोल्दै सांसद बरालले प्रधानमन्त्रीको अध्यक्षतामा सम्पन्न भएको आयोगको महत्वपूर्ण बैठकमा पूर्वउपाध्यक्ष डा. श्रीकृष्ण गिरीको उपस्थितिलाई लिएर आपत्ति र प्रश्न उठाएका हुन्।