सांसद विकको प्रश्न :  जेनजी आन्दोलनलाई किन बदनाम गरियो ?

काठमाडौँ । नेपाली कम्युनिस्ट पार्टीकी सांसद पार्वती विकले हरेक आन्दोलनले परिवर्तनको रूप बोक्ने भन्दै त्यसको मर्मलाई राज्यले सम्मान गर्नुपर्नेमा जोड दिएकी छन् । प्रतिनिधिसभाको बुधबारको बैठकमा आकस्मिक समयमा सांसद विकले भदौ २३ र २४ को जेनजी आन्दोलनका सन्दर्भमा सरकारको भूमिकालाई लिएर प्रश्न उठाएकी हुन् ।

सांसद विकले भनिन्, ‘हरेक आन्दोलन र युद्धले परिवर्तनको रूप बोकेका हुन्छन्। भदौ २३ र २४ गते भएको जेनजी आन्दोलनले पनि एउटा ठुलो परिवर्तनको रूप बोकेको थियो। तर, त्यस आन्दोलनका उपलब्धिहरूलाई राज्यले रक्षा गर्न सक्यो कि सकेन भन्ने अहिले ठुलो चुनौतीको विषय बनेको छ।’