बाढी पीडितको उद्धारमा सरकार गम्भीर भएन : प्रमुख सचेतक थापा

काठमाडौँ । नेपाली कांग्रेसकी प्रमुख सचेतक वासना थापाले बाढी पहिरोका कारण देशमा सिर्जना भएको राष्ट्रिय सङ्कटप्रति सरकारको ध्यानाकर्षण गराएकी छन् । प्रतिनिधिसभाको बुधबारको बैठकमा बोल्दै उनले रसुवा लगायतका जिल्लामा बाढी र पहिरोले पुर्‍याएको क्षति र नागरिकले भोग्नुपरेको कष्टबारे सरकारको गम्भीर ध्यानाकर्षण गराएकी हुन् ।

प्रमुख सचेतक थापाले भनिन्– ‘रसुवामा बाढी आएको दुई हप्ताभन्दा बढी भइसकेको छ, तर खोजी तथा उद्धार कार्यले अझै अपेक्षित गति लिन सकेको छैन। पीडित परिवारबाट लगातार गुनासो आइरहेको छ।’