डेलका सीईओले गरे विश्वविद्यालयलाई ७५० मिलियन डलर दान

काठमाडाैँ । अमेरिकी प्रविधि कम्पनी डेलका प्रमुख कार्यकारी अधिकृत (सीईओ) माइकल डेलले अस्टिनस्थित युनिभर्सिटी अफ टेक्सासलाई ७५० मिलियन अमेरिकी डलर दान गरेका छन्।

यसलाई हालैका वर्षहरूमा निजी क्षेत्रबाट उच्च शिक्षामा गरिएको सबैभन्दा ठुलो दानमध्ये एक मानिएको छ । माइकल डेलले यसअघि पनि शिक्षा, स्वास्थ्य र बालकल्याणसम्बन्धी विभिन्न परोपकारी कार्यहरूमा ठुलो रकम योगदान गर्दै आएका छन्।