एभरेस्ट भ्यु ट्रेल रेस अन्तर्राष्ट्रिय ट्रेल दौडको सूचीमा

माप्य दूधकोशी गाउँपालिकाले आयोजना गर्दै आएको ‘एभरेस्ट भ्यु ट्रेल रेस’ले अन्तर्राष्ट्रिय मान्यता प्राप्त गरेको छ। पर्यटन प्रवर्द्धन, प्रकृति संरक्षण र खेलकुद विकासलाई प्राथमिकतामा राखेर आयोजना हुँदै आएको उक्त साहसिक दौडलाई फ्रान्सस्थित विश्वप्रसिद्ध ‘अल्ट्रा ट्रेल’ संस्थाले आधिकारिकता प्रदान गरेको हो।

अन्तर्राष्ट्रिय ट्रेल धावक सङ्घले यस दौडलाई तीन अङ्क प्रदान गरेको छ। मान्यता प्राप्त ट्रेल दौड पूरा गर्ने धावकले दूरी र उचाइको कठिनाइअनुसार अङ्क प्राप्त गर्छन्। यस्ता अङ्कले धावकलाई अन्तर्राष्ट्रिय स्तरका ठूला ट्रेल दौडमा छनोट हुन सहयोग पुग्नेछ।