सिटिजन्स बैंकको स्थिर ब्याजदरमा घर र सवारी कर्जा योजना सार्वजनिक

काठमाडौं । सिटिजन्स बैंक इन्टरनेसनलले ५.९९ प्रतिशत स्थिर ब्याजदरमा सजिलो घर र सवारी कर्जा योजना सार्वजनिक गरेको छ । बैंकले ‘सपनाको घरलाई दिनुहोस् आकार, सिटिजन्स घर कर्जाले पार्नेछ सपना साकार’ भन्ने उद्घोषका साथ पाँच वर्षका लागि स्थिर कर्जा योजना ल्याएको हो ।

यस्तै, बैंकले तीन वर्षको लागि स्थिर रहने गरी ५.९९ प्रतिशत प्रतिवर्ष ब्याजदरमा व्यक्तिगत सवारीसाधन कर्जा योजना पनि ल्याएको छ । यो योजना घर कर्जामा पाँच वर्षसम्म स्थिर र सवारीसाधन कर्जामा तीन वर्षसम्म स्थिर ब्याजदर रहने बैंकले जनाएको छ ।