ई–सेवाको कर्मचारी बनेर ठगी गर्ने पक्राउ

काठमाडौँ । डिजिटल वालेट ई-सेवाको कर्मचारी बनेर सर्वसाधारणलाई ठगी गर्ने एक व्यक्तिलाई नेपाल प्रहरीको साइबर ब्युरोले पक्राउ गरेको छ । ई–सेवाबाट बोलेको र अकाउन्टमा धेरै रिवार्ड पोइन्ट रहेको प्रलोभन देखाई ओटिपी मागेर रकम ठगी गर्ने कार्यमा संलग्न रौतहटका २२ वर्षीय शुभम साहलाई ब्युरोको टोलीले पक्राउ गरेको हो ।

पीडित पक्षका अनुसार निज साहले ‘याक एन्ड को. इन्टरप्राइजेज’ को मोबाइल नम्बरमा पटक-पटक फोन गरेका थिए । उनले ई–सेवाको अकाउन्ट चेक गर्ने बहानामा ओटिपी समेत प्राप्त गरी पीडितको खाताबाट १ लाख ९८ हजार ४ सय ९९ रुपैयाँ ‘इभोलुसन ट्रेडिङ प्राइभेट लिमिटेड’ को ई–सेवा आईडीमा रकमान्तर गरेका थिए ।