खाली सिलिन्डर बोकेर सिंहदरबार पुगे विद्यार्थी, ग्यास सहज आपूर्तिको माग

काठमाडौ । खाना पकाउने एलपी ग्यासको सहज आपूर्ति सुनिश्चित गर्न माग गर्दै नेकपा निकट अखिल क्रान्तिकारी विद्यार्थी संघले बुधबार सिंहदरबारको दक्षिण गेटमा प्रदर्शन गरेको छ।

विद्यार्थीहरूले ग्यासका सिलिन्डर बोकेर प्रदर्शन गर्दै बजारमा देखिएको ग्यास अभाव तत्काल अन्त्य गर्न सरकारसँग माग गरेका हुन्। प्रदर्शनमा सहभागी विद्यार्थीहरूले ग्यासको अभावका कारण विद्यार्थी तथा सर्वसाधारणले दैनिक जीवनमा समस्या भोग्नुपरेको भन्दै सरकारले आपूर्ति व्यवस्थापनमा तत्काल ध्यान दिनुपर्ने बताएका थिए।