रसुवा बाढीले ‘अक्षरा’ को प्रदर्शन तीन महिना धकेलियो

काठमाडौं। प्रदर्शनको तयारीमा रहेको चलचित्र ‘अक्षरा’ को प्रदर्शन मिति स्थगित भएको छ। पर्सि शुक्रबारदेखि प्रदर्शनमा आउने तयारीमा रहेको ‘अक्षरा’ को मिति परिवर्तन भएको हो।

बुधबारदेखि चलचित्रको अग्रिम टिकेट बिक्री खुली सकेको अवस्थामा निर्माण टिमले यो निर्णय गरेका हुन। निर्माण टिमले बुधबार सूचना जारी गर्दै हालको परिस्थितिलाई ध्यानमा राखेर चलचित्रको प्रदर्शन मिति परिवर्तन गरिएको बताएका छन्। परिवर्तित मिति अनुसार ‘अक्षरा’ अब मंसिर २४ गतेदेखि प्रदर्शनमा आउनेछ।