ह्विप उल्लङ्घन गरेको भन्दै राप्रपा बागमतीका ५ सांसदलाई पदमुक्त गर्न सिफारिस

हेटौँडा । राष्ट्रिय प्रजातन्त्र पार्टी (राप्रपा) बागमती प्रदेश संसदीय दलले पार्टीको ह्विप उल्लङ्घन गरेको आरोपमा आफ्ना ५ जना प्रदेशसभा सदस्यलाई कारबाही प्रक्रिया अघि बढाएको छ । राप्रपा संसदीय दलले ह्विप उल्लंघन गरेको भन्दै ५ सांसदलाई पदबाट निष्कासन गर्न प्रदेश सभाका सभामुखसमक्ष सिफारिस गरेको हो ।

राप्रपा बागमती प्रदेश संसदीय दलका प्रमुख सचेतक डम्बर तामाङले प्रदेश सभा सचिवालयमा पत्र दर्ता गराउँदै पूर्व सभामुखसमेत रहेका सांसद भुवनकुमार पाठकसहित ५ जनालाई प्रदेश सभा सदस्यबाट हटाउन माग गरेका हुन्।