‘तीन महिनामा १४ सय बचतकर्ताको रकम फिर्ता भयो’

काठमाडौँ। भूमि व्यवस्था, सहकारी, संघीय मामिला तथा सामान्य प्रशासनमन्त्री प्रतिभा रावलले पछिल्लो तीन महिनामा मात्रै एक हजार ४५२ सहकारी बचतकर्ताको रकम फिर्ता गरिएको बताएकी छन्।

प्रतिनिधिसभामा बुधबार विनियोजन विधेयकमाथिको छलफलमा उठेका प्रश्नको जवाफ दिँदै उनले पछिल्लो तीन महिनामा आठवटा समस्याग्रस्त सहकारीका रुजु भएका १० हजार वा त्यसभन्दा मुनिका एक हजार ४५२ साना बचतकर्ताको ५९ लाख चार हजार ६०० रुपैयाँ बचत फिर्ता गरिएको जानकारी दिइन्।