चिलिमे सुरुङभित्रको उद्धार कार्य तीन दिनभित्र सम्पन्न हुने विश्वास छ : सांसद न्यौपाने

२४ भदौ, काठमाडौं । राष्ट्रिय स्वतन्त्र पार्टी(रास्वपा) सांसद श्रीराम न्यौपानेले चिलिमे जलविद्युत् आयोजनाको सुरुङभित्र फसिरहेकाहरूको उद्धार तीन दिनभित्र सम्पन्न हुने विश्वास गरेका छन् ।

आयोजनास्थलमा रहेका न्यौपानेले एक्साभेटरका आउन पुर्‍याउन ढिलाइ भएका कारण उद्धार कार्यले तीव्रता प्राप्त गर्न नसकेको बताएका छन् ।