मेटाले ल्यायो ‘म्युज’, अब एआईले आफैँ गर्नेछ डिजिटल काम

काठमाडौं । सामाजिक सञ्जाल कम्पनी मेटाले १८ वर्षभन्दा माथिका प्रयोगकर्तालाई लक्षित गर्दै ‘म्युज’ नामक व्यक्तिगत कृत्रिम बौद्धिकता (एआई) सेवा सार्वजनिक गरेको छ । हालका लागि अमेरिकामा मात्रै उपलब्ध यो सेवाले प्रयोगकर्ताको अनुमति लिएर दैनिक जीवनसँग सम्बन्धित विभिन्न डिजिटल काम आफैँ सम्पन्न गर्न सक्नेछ ।

म्युजले प्रयोगकर्ताका लागि दैनिक तालिका तयार गर्ने, इमेल पठाउने, अनलाइन किनमेल गर्ने तथा यात्रा टिकट बुकिङ गर्नेलगायतका काम गर्न सक्ने मेटाले जनाएको छ । यसका लागि प्रयोगकर्ताले आवश्यक अनुमति प्रदान गर्नुपर्नेछ ।