खनालले प्रचण्डलाई भने- मुद्दा चलेकोले माधव नेकपाको सहसंयोजक बन्न मिल्दैन

नेपाली कम्युनिस्ट पार्टीका वरिष्ठ नेता झलनाथ खनालले माधवकुमार नेपाललाई सहसंयोजकबाट हटाउन आग्रह गरेका छन्। विशेष अदालतमा मुद्दा चलिरहेकोले नेपाललाई सहसंयोजक बनाउन नहुने खनालको तर्क छ।

पार्टी संयोजक पुष्पकमल दाहाल ‘प्रचण्ड’लाई पत्र पठाउँदै उनले नेकपालाई एउटा क्रान्तिकारी, दृढ र असल आचरण सहितको पार्टी बनाउने हो भने सुरुदेखि नै पार्टीमा शुद्धीकरण पनि हुनुपर्ने उल्लेख गरेका छन्। सहसंयोजक नेपालले फागुन २१ गते सम्पन्न चुनावमा शर्मनाक पराजय बेहोरेको खनालले टिप्पणी गरेका छन्।