लिङ्देनलाई धक्का- बागमतीमा राप्रपाका चार सांसद पदमुक्त नहुने उपसभामुखको निर्णय

हेटौँडा । बागमती प्रदेशका राप्रपा संसदीय दलका नेता उद्धव थापासहित चार जना प्रदेश सांसदलाई पदमुक्त गर्न पार्टी केन्द्रले गरेको सिफारिसलाई प्रदेशसभाले अस्वीकार गरेको छ । प्रदेश उपसभामुख अप्सरा चापागाईँले उनीहरूलाई पदमुक्त नगर्ने निर्णय गरेकी हुन् ।

राप्रपाले ह्वीप उल्लंघन गरेको भन्दै संसदीय दलका नेता उद्धव थापा, प्रदेश सभा सदस्यहरू राजु विष्ट, गिरबहादुर तामाङ र राजेन्द्र प्रजापतिलाई पदमुक्तका लागि सिफारिस गरेको थियो ।