जेनजी आन्दोलनको एक वर्ष : उठ्दै छन् निजी क्षेत्र, अदालतमा छैनन् महत्त्वपूर्ण कागजात

२४ भदौ, विराटनगर । जेनजी आन्दोलनको भोलिपल्ट २४ भदौमा भएको आन्दोलनका क्रममा विराटनगरमा पनि ठूलो क्षति पुग्यो । सरकारी कार्यालयमा आगजनी, तोडफोडसँगै लुटपाट भयो । निजी क्षेत्रमा पनि अराजक समूहले आगजनी गर्‍यो ।

आन्दोलनको एक वर्षपछि जलेका निजी क्षेत्र विस्तारै उठेका छन् । अराजक समूहले आगजनी गरेको विराटनगर, धरान र बिर्तामोडस्थित भाटभटेनी सुपरमार्केटका स्टोर सञ्चालनमा आए ।