सहकारी बचत फिर्तामा राज्यकोषबाट एक पैसा पनि खर्च भएको छैन : मन्त्री रावल

भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले समस्याग्रस्त सहकारी संस्थाका बचतकर्ताको बचत फिर्ताका लागि हालसम्म नेपाल सरकारको राज्यकोषबाट एक पैसा पनि खर्च नगरिएको स्पष्ट पारेकी छन्।

प्रतिनिधिसभाको आजको बैठकमा बोल्दै मन्त्री रावलले यस प्रयोजनका लागि राज्यकोषबाट खर्च गरिएको भन्ने भ्रममा नपर्न आग्रह गरिन्।