‘रवि र बालेन पनि देउवा र ओलीकै पथमा छन्, देशले फेरि दु:ख पाउन सक्छ’

नेपालका दिग्गज अर्थ-राजनीति विश्लेषक हरि रोका प्रधानमन्त्री वालेन्द्र शाह र राष्ट्रिय स्वतन्त्र पार्टीका सभापति रवि लामिछाने पूर्वप्रधानमन्त्री शेरबहादुर देउवा र नेकपा एमालेका अध्यक्ष केपी शर्मा ओलीकै पथमा अघि बढेको विश्लेषण सुनाउँछन्। उनी प्रधानमन्त्री वालेन्द्र र सभापति लामिछानेबीच स्पष्ट दृष्टिकोण र सिद्धान्त नभएकै कारण ६ महिना पुग्न लाग्दा पनि दुईतिहाइनजिकको शक्तिशाली सरकार अलमलिएको बताउँछन्। प्रधानमन्त्री शाह र अर्थमन्त्री स्वर्णिम डा. स्वर्णिम वाग्लेबीच मतान्तर हुँदा अर्थतन्त्रसहित धेरै कुरामा समस्या देखिएको उल्लेख गर्दै सरकारमा एकरूपता हुनुपर्ने सुझाउँछन्।

गत वर्ष भएको जेन-जी आन्दोलनको मर्म र भावनाअनुसार सरकार नचलेको बताउँदै रोक्का धेरै ठूलो माग नराखेकाले उनीहरूको आवाज दबाउने कोसिस गर्दा फेरि देशले क्षति भोग्नुपर्ने स्थिति आउन सक्ने विश्लेषण सुनाउँछन्। त्यसकारण त्यसतर्फ ध्यान दिएर भ्रम नपाली काम गर्न उनी रवि र वालेन्द्रलाई आग्रह गर्छन्। नयाँ सरकारसँग जनता खासै सन्तुष्ट नरहेको उल्लेख गर्दै उनी पुराना दललाई गाली गरेर मात्रै बलियो हुने विश्लेषण गर्नु दुःखद रहेको बताउँछन्। शिक्षा, स्वास्थ्य, कृषि लगायत क्षेत्रमा सुधारका लागि सरकारले स्पष्ट काम गर्न नसकेको उल्लेख गर्दै उनी नयाँ पुस्तालाई रोजगारी दिने विषयमा पनि सरकार चुकेको टिप्पणी गर्छन्।