झ्याप्प–झ्याप्प बत्ती जाने समस्याप्रति के भन्छन् कुलमान घिसिङ ?

काठमाडौँ । नेपाल विद्युत् प्राधिकरणका पूर्व कार्यकारी निर्देशक एवं उज्यालो नेपाल पार्टीका अध्यक्ष कुलमान घिसिङले झ्याप्प–झ्याप्प बत्ती जाने समस्या प्रति गम्भीर चिन्ता व्यक्त गरेका छन्। उनले प्राधिकरणलाई लामो समयसम्म नेतृत्वविहीन राखेर समस्याको समाधान नहुने भन्दै सरकारको आलोचना गरेका छन्।

एक प्रेस वक्तव्य जारी गर्दै घिसिङले वर्षायाममा प्राविधिक कारणले कहिलेकाहीँ विद्युत् अवरुद्ध हुनु स्वाभाविक भए पनि त्यसलाई तत्काल सम्बोधन गर्न सक्षम र निर्णय लिन सक्ने नेतृत्व अनिवार्य हुने उल्लेख गरेका छन्। 'देशको सबैभन्दा महत्त्वपूर्ण सार्वजनिक संस्था नेपाल विद्युत् प्राधिकरण लामो समयदेखि कायम मुकायम (कामु) को भरमा सञ्चालन भइरहनु दुर्भाग्यपूर्ण छ,' उनले भनेका छन्।