राष्ट्रिय सभा बैठक बस्दै, आर्थिक र राष्ट्र ऋण उठाउने विधेयक पारित गर्ने कार्यसूची

काठमाडौँ । राष्ट्रिय सभाको बैठक आज बिहीबार अपराह्न १२:१५ बजे सिंहदरबारमा बस्ने भएको छ। आजको बैठकमा विधायन व्यवस्थापन समितिका सभापति कृष्णबहादुर रोकायले प्रतिनिधि सभाबाट सन्देशसहित प्राप्त विभिन्न विधेयकसँग सम्बन्धित समितिका प्रतिवेदनहरू सभासमक्ष पेस गर्ने कार्यसूची रहेको छ।

सभापति रोकायले सार्वजनिक खरिद (दोस्रो संशोधन) विधेयक २०८३, सम्पत्ति शुद्धीकरण (मनी लाउण्डरिङ्ग) निवारण (तेस्रो संशोधन) विधेयक २०८३, सहकारी (पहिलो संशोधन) विधेयक २०८३ र स्वास्थ्य विज्ञान प्रतिष्ठान सम्बन्धी केही नेपाल ऐनलाई संशोधन गर्ने विधेयक २०८३ का प्रतिवेदनहरू पेस गर्नेछन्।