आयुष्मा राणाको नेतृत्वमा नुवाकोटमा ३०० बाढीपीडितलाई राहत वितरण

नुवाकोट। बाढीपीडितका लागि माया ममता फाउन्डेसनले नुवाकोटको विदुर नगरपालिका–५ मा करिब ३०० जना विपद् प्रभावित नागरिकलाई राहत सामग्री वितरण गरेको छ। फाउन्डेसनकी सञ्चालक आयुष्मा राणाको नेतृत्वमा सो राहत वितरण गरिएको हो ।

विपद्ले घरआँगन र दैनिकी अस्तव्यस्त बनाएको बेला प्रभावितलाई तत्काल आवश्यक पर्ने खाद्यान्नसँगै सुरक्षित बसाइ, महिला स्वास्थ्य तथा सरसफाइलाई प्राथमिकतामा राखेर राहत सामग्री उपलब्ध गराइएको छ ।