कमलामाईका मेयरको आक्रोश- खराने ग्याङको जनतामारा सरकारले स्थानीय तहलाई नालायक बनाउन खोज्यो

सिन्धुली । सिन्धुलीको कमलामाई नगरपालिकाका प्रमुख उपेन्द्र पोखरेलले संघीय सरकारले स्थानीय तहको भुक्तानी प्रणाली ‘सूत्र’ सफ्टवेयर बन्द गरेर विकास निर्माण ठप्प पारेको भन्दै आक्रोश पोखेका छन् । आर्थिक वर्षको अन्त्यमा विकास निर्माणका कामको भुक्तानी दिने समयमा नियतवश सफ्टवेयर बन्द गरिएको उनको दाबी छ ।

मेयर पोखरेलले फेसबुकमार्फत आक्रामक टिप्पणी गर्दै लेखेका छन्, ‘मुलुकभरका गरिब-निमुखाले बनाएको खानेपानी, सिँचाइ, कुलो, सडक र सामाजिक सुरक्षा लगायतको काम भएको रकम पठाउनुपर्ने बेला सरकारी सफ्टवेयर बन्द गरेर काम गरेको रकम रोक्नु घृणित कार्य हो ।’