८ मिनेट लामो स्ट्यान्डिङ ओभेसनसंगै नेपालको एलिफेन्ट्स इन द फगलाई कान्समा जुरी अवार्ड

कान्स फिल्म फेस्टिभलको ७९औं संस्करणमा नेपालले ऐतिहासिक सफलता प्राप्त गरेको छ।

कान्सको अन सर्टेन रिगार्ड विधाअन्तर्गत अविनाश विक्रम शाहद्वारा निर्देशित फिल्म एलिफेन्ट्स इन द फग (तिनीहरू) ले जुरी अवार्ड जितेको हो। योससंगै एलिफेन्ट्स इन द फग कान्स फिल्म फेस्टिभलमा अवार्ड जित्ने पहिलो नेपाली फिल्म पनि बनेको छ। नपाली समयअनुसार बुधवार प्रिमियर भएको फिल्मले ८ मिनेट लामो स्ट्यान्डिङ ओभेसन प्राप्त गर्दै अन्तर्राष्ट्रिय ध्यान तानेको थियो। प्रिमियरमा फिल्मका निर्देशक, कलाकार तथा निर्माण टोली सहभागी थिए काठमाडौं महानगरपालिकाकी कार्यवाहक मेयर सुनिता डंगोलसहितका अतिथिले पनि फिल्म हेरेका थिए।