रुक्मिणादेवी स्मृति प्रतिभा पुरस्कार प्रबोधन सुवेदीलाई प्रदान

दाङ– तुलसीपुर उपमहानगरपालिका–११, जसपुर निवासी तथा लिलानिधि सन्तति समाजका सदस्य पदमप्रसाद आचार्यले आफ्नी ममतामयी माता स्वर्गीय रुक्मिणादेवीको स्मृतिमा स्थापना गर्नुभएको ‘रुक्मिणादेवी स्मृति प्रतिभा पुरस्कार’ यस वर्ष एक भव्य समारोहका बीच वितरण गरिएको छ।

शनिबार आयोजित कार्यक्रममा शैक्षिक उत्कृष्टतालाई सम्मान गर्ने उद्देश्यले स्थापना गरिएको उक्त पुरस्कार यस वर्षको कक्षा १२ को वार्षिक परीक्षामा सर्वोत्कृष्ट अंक हासिल गरेका तुलसीपुर उपमहानगरपालिका–१९, बिजौरी निवासी प्रबोधन सुवेदीलाई प्रदान गरिएको हो। प्रबोधन कपिलदेव सुवेदी र बुद्धिमती सुवेदी (बिन्दु) का कनिष्ठ सुपुत्र हुन्।