सन् २०२६ मा नेपालको आर्थिक वृद्धि ३.९ प्रतिशत रहने एडिबीको प्रक्षेपण

काठमाडौं– एसियाली विकास बैंक (एडिबी) ले सन् २०२६ मा नेपालको आर्थिक वृद्धिदर ३.९ प्रतिशत रहने प्रक्षेपण गरेको छ। बैंकका अनुसार सन् २०२५ मा नेपालको आर्थिक वृद्धि ४.४ प्रतिशत रहनेछ भने सन् २०२७ मा ४.५ प्रतिशत पुग्ने अनुमान गरिएको छ।

सरकारले आगामी आर्थिक वर्षका लागि ७ प्रतिशत आर्थिक वृद्धिको लक्ष्य राखे पनि एडिबीको प्रक्षेपण त्यसभन्दा निकै कम छ। चालु आर्थिक वर्षमा ६ प्रतिशतको लक्ष्य राखिएको भए पनि संशोधित अनुमान ३.८५ प्रतिशतमा सीमित भएको छ।