आपराधिक पृष्ठभूमिका अभिषेक गिरीमाथि अब सीआईबीको अनुसन्धान

विराटनगर : आपराधिक पृष्ठभूमिका ‘गुन्डानाइके’ अभिषेक गिरीमाथि अब नेपाल प्रहरीको केन्द्रीय अनुसन्धान ब्युरो (सीआईबी)ले ठगी र आपराधिक विश्वासघातसम्बन्धी मुद्दामा अनुसन्धान अघि बढाउने भएको छ।

जिल्ला अदालत मोरङले हाजिरी जमानीमा राखेर अनुसन्धान गर्न आदेश दिए पनि उनी तत्काल रिहा हुन पाएनन्। काठमाडौंमा दर्ता भएको अर्को मुद्दामा यसअघि नै पक्राउ पुर्जी जारी भइसकेकाले मोरङ प्रहरीले उनलाई सीआईबीको जिम्मा लगाउन काठमाडौं पठाएको हो।