बंगलादेशमाथि वेस्ट इन्डिजको शानदार जित

शारजाह । आईसीसी महिला टी–२० विश्वकपमा वेस्ट इन्डिजले बंगलादेशमाथि शानदार जित हासिल गरेको छ । बिहीबार भएको समूह बी अन्तरगतको खेलमा वेस्ट इन्डिज ८ विकेटले विजयी बनेको हो ।

बंगलादेशले प्रस्तुत गरेको १ सय ४ रनको लक्ष्य वेस्ट इन्डिजले मात्र २ विकेटको क्षतिमा १२.५ ओभरमा पछ्यायो । वेस्ट इन्डिजका लागि कप्तान हेली म्याथ्युजले मात्र २२ बलमा सर्वाधिक ३४ रन जोडिन् । उनले ६ चौका प्रहार गरिन् ।