भाइका लागि बनाएको कृत्रिम हातले बदलियो हजारौँको जीवन, अफ्रिकाबाट विश्वभर फैलियो प्रेरणादायी यात्रा

एक दुर्घटनामा आफ्ना औँलाहरू गुमाएका भाइको पीडाले एक मूर्तिकारलाई नयाँ यात्रामा अघि बढायो। कुनै चिकित्सकीय प्रशिक्षणबिनै सुरु भएको उनको प्रयास आज विश्वभर हजारौँ मानिसका लागि आशा र आत्मविश्वासको स्रोत बनेको छ।

उपलब्ध जानकारीअनुसार सन् २०१८ मा नाइजेरियाका उबोकोबोंग अमानमले दुर्घटनामा आफ्ना औँलाहरू गुमाएका थिए। परिवारले विदेशबाट कृत्रिम हात मगाए पनि त्यसको रङ उनको छालासँग मेल नखाँदा उनले सहज रूपमा प्रयोग गर्न सकेनन्।