पोखरीमा डुबेर दुई वर्षीय बालकको मृत्यु

सर्लाही। सर्लाहीको कविलासी नगरपालिका–५, घरदौली टोलमा आइतबार साँझ एक बालकको पोखरीमा डुबेर मृत्यु भएको छ । स्थानीय देव नारायण पासवानका दुई वर्षीय छोरा सुरज पासवानको खेल्ने क्रममा घर नजिकैको पोखरीमा डुबेर ज्यान गएको हो ।

आइतबार साँझ करिब ७ बजेतिर खेल्दाखेल्दै हराएका बालकको परिवारजन र स्थानीयले खोजी गर्ने क्रममा राति ९ बजेर १० मिनेटमा घरभन्दा करिब सय मिटर पश्चिममा रहेको बिन्देश्वर रायको पोखरीमा मृत अवस्थामा फेला पारेका थिए ।