सरकार निर्माण क्षेत्रका समस्या समाधान गर्न सकारात्मक छः प्रधानमन्त्री शाह

प्रधानमन्त्री बालेन शाहले प्रधानमन्त्री तथा मन्त्रिपरिषद्को कार्यालयमा नेपाल निर्माण व्यवसायी महासङ्घका पदाधिकारीहरूसँग निर्माण क्षेत्रका समस्या, यसको प्रवर्द्धन, भौतिक पूर्वाधार विकास, लगानी वातावरण तथा आर्थिक सुधारका सम्बन्धमा छलफल गरेका छन् ।

छलफलका क्रममा निर्माण क्षेत्र मुलुकको आर्थिक विकास, रोजगारी सिर्जना र पूर्वाधार निर्माणको महत्त्वपूर्ण आधार भएको उल्लेख गर्दै शाहले यस क्षेत्रका समस्या समाधानका लागि सरकार सकारात्मक रहेको बताए । साथै, प्रधानमन्त्री शाहले निर्माण व्यवसायलाई मर्यादित, पारदर्शी, जिम्मेवार र परिणाममुखी बनाउँदै विकास–निर्माणका कामहरूलाई निर्धारित समयमै सम्पन्न गर्नका लागि सबै पक्षको सक्रिय सहकार्य आवश्यक रहेको कुरामा जोड दिए ।