एसीसी प्रिमियर कपः फाइनल पुग्ने लक्ष्यमा नेपाल, ओमानसँग आज निर्णायक भिडन्त

एसीसी मेन्स प्रिमियर कप क्रिकेटको सेमिफाइनलमा आज नेपालले ओमानसँग प्रतिस्पर्धा गर्दैछ। क्वालालम्पुरस्थित बेयुमास ओभलमा हुने खेल नेपाली समयअनुसार बिहान ७ः१५ बजे सुरु हुनेछ।

समूह चरणमा प्रभावशाली प्रदर्शन गर्दै अन्तिम चारमा पुगेको नेपाल अब फाइनल प्रवेश गर्ने लक्ष्यमा छ। प्रतियोगिताको समूह ‘ए’ मा नेपालले लगातार राम्रो प्रदर्शन गर्दै सेमिफाइनलको यात्रा तय गरेको हो। ओमानविरुद्धको खेल जित्न सके नेपालले उपाधिका लागि हुने फाइनलमा स्थान बनाउनेछ।