पोखरा उद्योग वाणिज्य सङ्घको अध्यक्षमा शोभा गौतमको उम्मेदवारी घोषणा

पोखरा । पोखरा उद्योग वाणिज्य सङ्घको आसन्न अधिवेशनमा अध्यक्षका लागि वर्तमान महासचिव शोभा गौतमले उम्मेदवारी घोषणा गरेकी छिन् । सङ्घको ३६औँ अधिवेशन भदौ २० र २१ गते हुने गरी कार्यसमिति बैठकले निर्णय गरेको छ ।

अधिवेशनको मिति तय भएसँगै गौतमले आफूलाई अध्यक्षको उम्मेदवारका रूपमा उभ्याएकी हुन् । उनी विभिन्न उपसमितिको सदस्य हुँदै कार्यसमिति सदस्य, उपमहासचिव र हाल महासचिवमा निर्वाचित भएकी हुन् । हालसम्म पोखरा उद्योग वाणिज्य सङ्घको नेतृत्वमा महिला पुगेका छैनन् । आफूले नयाँ इतिहास रच्ने उनले दाबी गरिन् ।