मध्यपूर्व युद्धको असरः भारतमा १० दिनमै चौथोपटक इन्धन महँगियो

काठमाडौं । मध्यपूर्वमा जारी युद्धका कारण विश्व ऊर्जा आपूर्ति शृङ्खलामा दबाब बढिरहँदा भारतका सरकारी इन्धन कम्पनीहरूले पेट्रोल र डिजेलको मूल्य फेरि बढाएका छन् । पछिल्लो १० दिनमा चौथोपटक गरिएको मूल्यवृद्धिले भारतको इन्धन बजारमा अस्थिरता झन् गहिरिएको छ ।

फेब्रुअरीदेखि सुरु भएको युद्धयता भारतमा पेट्रोलियम पदार्थको मूल्य करिब पाँच प्रतिशतले बढिसकेको छ । विशेषगरी इरान र हर्मुज जलघाँटी क्षेत्रमा बढेको तनावले विश्वकै महत्त्वपूर्ण ऊर्जा ढुवानी मार्ग प्रभावित भएपछि भारतमा प्रत्यक्ष असर परेको हो ।