सामान्य प्रशासनको आचार संहिताः कर्मचारीले सरकारी पोसाकमा फोटो तथा टिकटक-रिल्स बनाउन नपाउने

काठमाडौं । अब सरकारी कर्मचारीहरूले कार्यालय समयमा सरकारी पोसाक लगाएर टिकटक भिडिओ बनाउन वा जथाभाबी फोटो खिचेर सामाजिक सञ्जालमा राख्न नपाउने भएका छन् । भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले आफ्ना कर्मचारीहरूका लागि नयाँ आचारसंहिता जारी गरेको हो ।

मन्त्रीस्तरबाट यही १६ असार २०८३ मा स्वीकृत ‘भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयका कर्मचारीले पालना गर्नुपर्ने आचारसंहिता, २०८३’ लाई मन्त्रालयले औपचारिक रूपमा कार्यान्वयनमा ल्याएको छ । प्रविधि र सामाजिक सञ्जालको बढ्दो दुरुपयोगलाई रोक्दै सरकारी सेवाको साख, मर्यादा र व्यावसायिकता कायम राख्न मन्त्रालयले यस्तो कदम चालेको हो ।