किसानले मल पाएनन्, ग्रिन युरिया प्लान्ट स्थापना गरौं : सांसद लामा

२५ असार, काठमाडौं। रास्वपा सांसद डा. राम लामाले किसानले समयमै पर्याप्त मल पाउन नसकेको बताएका छन् । संसद्‌मा बोल्दै उनले मलको समस्या समाधा गर्न ग्रीन युरिया प्लान्ट बनाउन माग गरेका छन् ।

‘नेपाललाई मलमा आत्मनिर्भर बनाउन पाँच लाख मेट्रिक टन क्षमताको ‘ग्रीन युरिया प्लान्ट’ स्थापना गरौं,’ उनले भने । विगत एक दशकदेखि किसानले समयमै पर्याप्त मल नपाएको समस्या दोहोरिँदै आएको उल्लेख गर्दै अहिलेको आयातमुखी प्रणालीका कारण मल नेपाल आइपुग्न औसतमा साढे सात महिना लाग्ने गरेको बताए ।