त्रिविका उपकुलपति थापासमक्ष २१ बुँदे सुझावपत्र पेस

काठमाडौँ। त्रिभुवन विश्वविद्यालय केन्द्रीय क्याम्पस कीर्तिपुरको स्वतन्त्र विद्यार्थी युनियन(स्ववियु)ले नवनियुक्त उपकुलपति प्रा.डा. भोला थापासमक्ष त्रिवि सुधारका लागि २१ बुँदे महत्त्वपूर्ण सुझाव पत्र पेस गरेको छ।

स्ववियुका अध्यक्ष दीपक राज जोशीको नेतृत्वमा गएको टोलीले बिहीबार त्रिवि उपकुलपतिसमक्ष त्रिविलाई समयानुकूल, प्रविधिमैत्री, अनुसन्धानमुखी, पारदर्शी र अन्तर्राष्ट्रिय स्तरको प्रतिस्पर्धी विश्वविद्यालयका रूपमा रूपान्तरण गर्न विशेष आग्रह गरेको हो ।