ट्रम्पले चार सहयोगीलाई दिए ४५ हजार डलरसम्मको नगद उपहार

अमेरिकी राष्ट्रपति डोनाल्ड ट्रम्पले ह्वाइट हाउसका चार सहयोगीलाई ठुलो रकमको बिदा उपहार दिएको खुलेको छ।

गत साता प्रशासनले सार्वजनिक गरेको वार्षिक वित्तीय विवरणअनुसार उनले कार्यकारी सहायक नताली हार्प, सञ्चार सल्लाहकार मार्गो मार्टिन र ओभल अफिस अपरेसनका उपनिर्देशक चेम्बरलेन ह्यारिसलाई जनही ४५ हजार डलर दिएका हुन्। ओभल अफिस अपरेसनका निर्देशक वाल्ट नौटालाई भने २० हजार डलर दिइएको छ।