यातायात सेवालाई व्यवस्थित बनाउन अनिवार्य परिचयपत्र र पोसाक

कैलाली । कैलालीको धनगढीमा सम्पूर्ण यातायात प्रालिले चालक, सहचालक तथा परिचालकलाई आज परिचयपत्र र जर्सी (पोसाक) वितरण गरेको छ । सार्वजनिक यातायात सेवालाई सुरक्षित, यात्रुमैत्री तथा थप व्यवस्थित बनाउने उद्देश्यले आयोजित कार्यक्रममा गाडी नम्बरसहितका चालक, सहचालक तथा परिचालकलाई परिचयपत्र र जर्सी वितरण गरिएको हो ।

चालक, सहचालक र परिचालकको एउटै पहिचान झल्किने पोसाक उपलब्ध गराइएको सम्पूर्ण यातायात प्रालिले जनाएको छ । यसबाट यात्रुले टाढैबाट चालक तथा सहचालकलाई सहजै चिन्न सक्ने, सही सवारीसाधन पहिचान गर्न सक्ने र यात्रु सेवामा थप सहजता आउने अपेक्षा गरिएको आयोजकले जनाएको छ ।