नगरप्रमुखबाट शिक्षकमाथि हातपात भएपछि महासंघको भर्त्सना

काठमाडौँ- नेपाल शिक्षक महासंघ जिल्ला समिति तेह्रथुमले म्याङ्लुङ नगरपालिकाका नगरप्रमुखबाट शिक्षकमाथि दुर्व्यवहार भएको भन्दै गम्भीर ध्यानाकर्षण भएको जनाएको छ। महासंघले आइतबार प्रेस विज्ञप्ति जारी गर्दै घटनाको घोर भर्त्सना गर्नुका साथै समस्याको शीघ्र समाधान गर्न माग गरेको छ।

नेपाल शिक्षक महासंघले सिंहवाहिनी माध्यमिक विद्यालयमा लामो समयदेखि कार्यरत माध्यमिक तहका शिक्षक चेतनप्रसाद सुवेदी, निम्न माध्यमिक शिक्षक सुवास कार्की तथा प्राथमिक शिक्षक सरला भण्डारीलगायतलाई जानकारी र सहमतिबिना अन्य विद्यालयमा सरुवा गरिएको जनाइएको छ।