कर्णाली नदी किनारमा फेला परेको शव १८ वर्षीया सिर्जना खड्काकै भएको पुष्टि

कर्णाली राजमार्गमा भएको सवारी दुर्घटनापछि बेपत्ता भएकी कालिकोटकी १८ वर्षीया सिर्जना खड्काको शव कर्णाली नदी किनारमा फेला परेको पुष्टि भएको छ।

सुर्खेतको चौकुने गाउँपालिका–४ डङ्डगेस्थित कर्णाली नदी किनारमा गत असार २३ गते बेवारिसे अवस्थामा घोप्टो परेको एक महिलाको शव फेला परेको थियो। प्रारम्भिक रूपमा पहिचान हुन नसकेको उक्त शव सिर्जनाकै भएको उनका बुवा धनबहादुर खड्काले सनाखत गरेपछि पुष्टि भएको हो।