भोटेकोशी पीडितलाई

भोटेकोशी बाढीले प्रभावित नागरिकका लागि राहत जुटाउ“दै नेपाल चलचित्र कलाकार संघले ३८ औ स्थापना दिवस मनाएको छ। स्थापना दिवसलाई औपचारिक समारोहमा मात्र सीमित नगरी संघले रक्तदान तथा राहत संकलन कार्यक्रम आयोजना गर्दै विपद्मा परेका नागरिकप्रतिको सामाजिक उत्तरदायित्व प्रस्तुत गरेको हो।

मंगलवार राजधानीको चावहिलस्थित चलचित्र विकास बोर्डको परिसरमा आयोजित कार्यक्रममा ८६ जनाले रक्तदान गरेका छन्। बाढीपीडितको सहयोगार्थ आयोजित राहत संकलनबाट करिब ४ लाख रुपैया“ संकलन भएको संघका अध्यक्ष उत्तम केसीले जानकारी गराएका छन्। राहत संकलनमा हर्के हल्दार टिमले एक लाख ३३ हजार ३ सय ३३ रुपैया“ तथा संघका कार्यसमिति सदस्य नवीन श्रेष्ठले एक लाख एक हजार रुपैया सहयोग गरेका थिए। अन्य सहयोगसमेत जोडेर संकलित रकम करिब ४ लाख रुपैया पुगेको संघले जनाएको छ। उक्त रकम प्रधानमन्त्री दैवीप्रकोप उद्धार कोषमा जम्मा गरिने अध्यक्ष केसीले बताए।