एसीसी प्रिमियर कपको सेमिफाइनल : कमजोर ब्याटिङ गरेको नेपालले ओमानलाई दियो १४८ रनको चुनौती

काठमाडौँ – एसीसी पुरुष प्रिमियर कप क्रिकेट प्रतियोगिताको सेमिफाइनलमा कमजोर ब्याटिङ गरेको नेपालले ओमानलाई १४८ रनको सामान्य लक्ष्य दिएको छ । ओमानले टस जितेर फिल्ड रोजेपछि पहिला ब्याटिङ गरेको नेपाल १४७ रन बनाउँदा ४५ ओभर दुई बलमा अलआउट भएको हो ।

ओपनिङ ब्याटिङ संकटमा परेको अवस्थामा पाँचौ विकेटका लागि दीपेन्द्रसिंह ऐरीले बसिर अहमेदसँग ९३ रनको साझेदारी गरे पनि अन्य ब्याट्सम्यान टिक्न नसक्दा नेपालको ब्याटिङ कमजोर बनेको हो । दीपेन्द्रले ७२ बलमा ५० अर्धशतक बनाए। बसिर ८८ बल खेल्दा ४७ रन बनाएर आउट हुँदा दीपेन्द्र ७६ बलको सामना गर्दा ५१ रन बनाएर आउट भए ।