मधेश प्रदेशमा ६ वर्षमा २८ हजार बढी भवन निर्माण

जनकपुरधाम। मधेश प्रदेश सरकारले पछिल्लो छ वर्षमा २८ हजार ८३ वटा नयाँ भवन निर्माण गरेको छ। आर्थिक वर्ष २०७७/७८ देखि २०८२/८३ सम्मको अवधिमा ती संरचना निर्माण गरिएको भौतिक पूर्वाधार विकास मन्त्रालयले जनाएको छ।

मन्त्रालयका अनुसार जनता आवास कार्यक्रमअन्तर्गत २० हजार ३७८, महेन्द्रनारायण निधि आवास कार्यक्रममार्फत दुई हजार ४१२ र विपन्नसँग मदन भण्डारी आवास कार्यक्रमअन्तर्गत चार हजार ७८ वटा घर निर्माण भएका छन्। विपन्न तथा दलित परिवारलाई सुरक्षित आवास उपलब्ध गराउने उद्देश्यले यी कार्यक्रम सञ्चालन गरिएको हो।