आर्थिक–सामाजिक असन्तोषले जन्मायो नयाँ राजनीतिक शक्ति : शंकर पोखरेल

नेकपा एमालेका महासचिव शंकर पोखरेलले नेपालको पछिल्लो राजनीतिक परिवर्तनलाई केवल सत्ता परिवर्तन नभई आर्थिक–सामाजिक अन्तर्विरोधबाट उत्पन्न जनअसन्तोषको परिणाम भएको बताएका छन्। उनले आम निर्वाचन–२०८२ मा नयाँ राजनीतिक शक्तिको उदय जनताको सुशासन, रोजगारी र भ्रष्टाचार नियन्त्रणप्रतिको अपेक्षासँग जोडिएको विश्लेषण गरेका छन्।

सामाजिक सञ्जाल फेसबुकमा बिहीबार सार्वजनिक लामो टिप्पणीमा पोखरेलले पछिल्ला वर्षहरूमा पूर्वाधार विकास, सामाजिक सुरक्षा र वैदेशिक रोजगारीका अवसर विस्तारका कारण नागरिकको जीवनस्तर उकासिए पनि त्यसअनुसार आर्थिक वृद्धि र वैधानिक आम्दानी बढ्न नसकेको उल्लेख गरेका छन्।