पुराना फ्याँकिए, नयाँ अलमलिए

काठमाडौँ- दशकौँदेखि नेपाली राजनीतिमा एकाधिकार जमाउँदै आएका केपी शर्मा ओली, शेरबहादुर देउवा र पुष्पकमल दाहाल ‘प्रचण्ड’को युग समाप्त पार्दै बनेको बालेन शाह नेतृत्वको दुई-तिहाइ नजिकको सरकार पनि पुरानै ढर्रामा फसेपछि जेनजी (नवपुस्ता) आन्दोलनको साढे एक वर्षमै चरम निराशा छाएको छ।

गत भदौ २३ र २४ गते भ्रष्टाचार एवम् ‘नेपो बेबी’ संस्कृतिविरुद्ध चर्किएको विद्रोह, सुशीला कार्की नेतृत्वको अन्तरिम सरकार र गत फागुन २१ को चुनावमार्फत सत्तामा पुगेको नयाँ शक्तिले भ्रष्टाचारका पुराना सेटिङ भत्काए पनि जनअपेक्षाअनुसार नतिजा दिन नसक्दा हिजो सडक तताउने जेनजी अभियन्ताहरू नै आज आफ्नै सरकारविरुद्ध आक्रोश पोख्न बाध्य भएका छन्।